Поклоняемся Тебе, Иисусе Христе!
«Крест начертав Моисей...» с нынешнего дня умолкает; катавасия поется: «Отверзу уста моя, и наполнятся Духа, и слово отрыгнут Царице Матери...». Остается, возблагодарив Господа за искупление нас, грешных, снова браться за дело под покровом Божией Матери, по руководству Святой Церкви.
«Слава Тебе, Христу, Богу моему премилосердому, пострадавшему за мя и претерпевшему заплевания и раны, терновый венец и трость, Крест, гвоздие и копие, смерть и погребение!
Поклоняюся вольному Твоему за мя страданию, Господи, лобызаю пречистыя язвы Твоя, благодарю толикую любовь Твою и милость, яко и душу Твою за мя на Кресте положил еси! Иисусе мой сладчайший!
Поклоняюся пречистой, пресвятой и животворящей язве Твоей, яже в десной Твоей руце, и молю Тя – Господа моего, ея ради сподоби мя одесную Тебя стати!
Поклоняюся пречистой, пресвятой и животворящей язве Твоей, яже в шуей Ти руце, и молю Тя – Господа моего, ея ради от всяких грехопадений лютых и от части шуия избави мя!
Поклоняюся пречистой, пресвятой и животворящей язве Твоей, яже в десной Ти нозе, и молю Тя – Господа моего, ея ради настави мя на путь правый покаяния!
Поклоняюся пречистой, пресвятой и животворящей язве Твоей, яже в шуей Ти нозе, и молю Тя – Господа моего, ея ради от всякаго пути лукаваго возбрани ногам моим!
Поклоняюся пречистой, пресвятой и животворящей язве Твоей, яже в пречистых ребрах Твоих и в прободенном Ти сердце, отонюдуже (церковнослав. – откуда) истече кровь и вода во искупление мое, и молю Тя – Господа моего, ея ради сокруши окаменение мое, порази жестокое мое сердце, сотри его страхом Твоим святым, уязви его любовью Твоею, да Тебе – Господа моего – возлюблю всем сердцем моим, всею душою, всею мыслию, всею крепостию и всем помышлением моим! И даждь ми, Господи мой, до кончины живота моего всегда поминати спасительныя страсти Твоя и поклонятися им! И да текут от сокрушенного моего сердца источники слезные, омывающие мою греховную скверну!
Слава вольному Твоему за мя страданию, Господи! Благодарю Тя, Спасителю мой, Свете мой, Животе и воскресение мое, яко возлюбил мя еси и Себе предал еси за мя! Не остави мене, Создателю мой, ныне и во век будущий. Аминь».
Святитель Димитрий Ростовский
«О, Пречистый и Животворящий Кресте Господень! Силою на Тебе распятаго Христа укрепи мя на вся видимыя и невидимыя враги, плотскаго и душевнаго соблюдая мя искупления!»
Источник: Святитель Иустин (Полянский), епископ Уфимский и Мензелинский. Мысли на каждый день года. – М., Издательство Московского подворья Свято-Троицкой Сергиевой Лавры, 2012.